-->

محشى الكرنب

محشى الكرنب

    المكونات

    عدد 1 كرنبة متوسطة الحجم مقدار ارز للحشو مقدار شبت وكسبرة وبقدونس مقدار عصير طماطم مقدار ثوم مفرى 2 ثمرة كبيرة بصلة مقدار سمن او زيت

    • التحضير: اول حاجة هنسلق ورق الكرنب بعد تقطيعة من العيدان الموجودة بوسط ورقة الكرنب

      وفى ماء السلق انا بحط شوية كمون بس صغيرين يعنى يعملوا ريحة حلوة اوى للورق الكرنب

      وفية بعض ناس بتحط شوية ملح اثناء السلق بس انا مش بحط عشان لو فية حاجة زادت من الورق ممكن الفة واحفظة فى الفريزر لان الملح بيخلى الورقة شديدة شوية اثناء الطبخ دة لو انت هتحفظية

      وبعد سلقة نتركة يبرد وبعدين يقطع على اد ما تحبى صابع المحشى يكون ازاى انا بقطعة قطع صغيرة

      عشان تبقى قطمة مرة واحدة

      وبعدين نفرم البصل ونضعة فى حلة فيها شوية زيت ونحمرهم على النار حتى الاصفرار وبعدين تكونى مقطعة الشبت والكسبرة والبقدونس ونحطهم على البصل وياخدوا لفة مع البصل لغاية ما يدبلوا شوية ونضع عليهم عصير الطماطم والثوم المفرى ونتركهم يتسبكوا يعنى يغلوا شوية على النار

      ولما يبرد حبة نجيب الارز ونلخبطة ونقلبهم كويس ونمسك قطعة ورق الكرنب ونحطها على ايدنا ونضع شوية من الحشوة اللى احنا عملناها على الورقة ونلفها كويس ونرصها فى الحلة اللى هنطبخه فيها

    • الطبخ: عند اكتمال الحلة تسقى باى نوع من الشوربة الموجودة عندك زى شوربة لحمة او فراخ او حتى مرقة وتسبيهم على النار لغاية ما يتشرب المحشى الشوربة ونهدى علية النار لحد ما يستوى

    elearning
    @مرسلة بواسطة
    كاتب ومحرر اخبار اعمل في موقع اكل دوت نت .

    إرسال تعليق