الشربات
له انواع كثيرة (برتقال - ورد- ليمون-لوز -.....الخ) والكثير يشترونه من السوق ليكون متوفرا دوما بالمنزل فى حالة وصول ضيوف فجأة ويتم تخفيفه بالماء
ولكن الشربات الجاهز دوما ما يضعون به مكسبات طعم ومواد حافظة واللى مش مصدقنى يقرأ المكونات المكتوبة على اى عبوة.
واليوم سأقول لكم طريقة عمل الشربات الرائع الذى احبه بشدة ودوما اعمله فى البيت خصوصا فى الشتاء " شربات البرتقال"
وعلى فكرة نفس طريقة عمل شربات البرتقال هى نفس طريقة عمل شربات الليمون للذين يحبون طعم الليمون .
ويتميز هذا الشربات بطعم برتقال رائع مع رائحة وطعم بشر البرتقال وبدون اى مواد حافظة ونشربه واولادنا بمنتهى الاطمئنان والاستمتاع .
واليكم :
المقادير:
اى كمية تحبون عملها من البرتقال البلدى ويفضل طبعا النوع اللى اسمه "بدمه" حتى يعطى لونا محمرا قليلا للبرتقال
وعلشان نكون محددين مثلا نقول هانعمل 3 كيلو من البرتقال البلدى المغسول والمجفف.
سكر
الطريقة:
بعدما نغسل البرتقال جيدا من الخارج طبعا نأخذ ثلث عدد البرتقال ونقوم بأخذ بشر القشرة الخارجية من كل برتقالة وطبعا دون ان نصل الى اللب الابيض فى البرتقالة .
نقوم بتجميع هذا البشر اوال zest ونضعه فى طبق وعليه ملعقة سكر ونخلطه ونتركه على جنب ليقوم بانزال كل ما فيه من زيت البرتقال المخزن فى القشر.
نقوم بعصر كل البرتقال فى معصرة البرتقال وتصفية العصير جيدا من خلال مصفاة سلك رفيعة جدا حتى لا نسمح بمرور حبيبات عصير البرتقال.
نكايل عصير البرتقال .. يعنى نشوفه هايطلع كام كوب فمثلا لو طلع 4 كوب او 8 حسب ما ينتج لديك.
نضع عصير البرتقال فى حلة كبيرة او وعاء كبير وعميق ونضع عليه مقابل كل 4 كوب عصير برتقال 5 كوب سكر
انا عارفة انه هايأخذ سكر كثير لكن ده شربات يعنى مركز جدا والنتيجة هاتعجبكم قوى
نعيد كمان مرة : لكل 4 كوب برتقال .....5 كوب سكر
ونظل نقلبهم بملعقة خشبية حتى تمام الذوبان وطبعا هايأخذ مجهود شوية لكن مش مشكلة
وبعدين نرجع لبشر قشر البرتقال اللى كنا سايبينه .. طبعا هانلاقيه نزل منه زيت كثير بفعل ملعقة السكر اللى خلطناها بيه
نأخذ هذا البشر كله ونضعه فى شاشة نظيفة ونعصره بقوة حتى نستخرج منه كل السوائل والزيت ونخلط الناتج مع عصير البرتقال المحلى بالسكر
وطبعا هاتلاقى ايديك بعدها ناعمة جدا ورائحتها زكية بفعل زيت البرتقال الذى سيكون هونفسه المادة الحافظة للشربات
وبعد خلط كل المكونات تقومى بتعبئتهم فى زجاجات مقفولة بإحكام ووضعهم بالثلاجة وتأخذى منه فى اى وقت
ثلث وثلثين .... يعنى ثلث الكوب شربات البرتقال والثلثين ماء بارد
واشربى وشربى الاولاد طعم البرتقال الرائع الطبيعى بدون اى مواد حافظة
وادعو لى
تعليقات
إرسال تعليق