مخلل الليمون المعصفر الشهى اللى يفتح النفس

مخلل الليمون المعصفر  الشهى اللى يفتح النفس
    الليمون المعصفر

    من اجمل انواع المخللات ودوما ما يرتبط لدى برمضان حيث انه يشهى ويفتح النفس على الاكل ويلائم تناوله مع اى طبخة سواء سمك او لحوم 
    وكثيرا ما نتستخدمه فى خلطة تتبيل الدجاج حيث اضيف ليمونة معصفرة مع باقى التوابل والبصل وندعك بيها الدجاج قبل شييها ويعطيها بالفعل طعم جميل جدا
    وكذلك استخدمه مع طهى الكبدة حيث يعطى لها طعم مزز  ويضفى رائحة زكية عليها
    وطبعا الليمون المعصفر المعمول فى البيت يختلف تماما عن الجاهز 
    ولو جربتوه وعملتوه فى المنزل مش هاتشتروه من بره تانى
    واليكم طريقة عمل الليمون المعصفر
    1- نختار ثمار الليمون الكبيرة الصفراء السليمة من العطب وتغسل جيدا وتشق الواحدة 4 اجزاء بشرط ان تظل متصلة من القاعدة.
    2- يخلط العصفر بالحبة السوداء والملح بنسبة:
    10 ملاعق كبيرة عصفر
    5 ملاعق كبيرة ملح ناعم
    ملعقة كبيرة الحبة السوداء
    3- يملأ الوسط بجزء من الخليط السابق ويرص الليمون بإحكام فى البرطمان المعد للتخليل.

    4- يغطى الليمون بخليط معظمه من عصير الليمون وبعض الخل الابيض.
    5- يضغط على الليمون ويوضع القليل من القشر على السطح ويغلق الغطاء ويترك فى مكان جاف متجدد الهواء حتى يتم تخليله

    وبالهنا والشفا

    elearning
    @مرسلة بواسطة
    كاتب ومحرر اخبار اعمل في موقع اكل دوت نت .

    إرسال تعليق