-->

الفطير المشلتت على اصوله

الفطير المشلتت على اصوله
    الفطير المشلتت
    اكلة مصرية صميمة ومصدرها الريف المصرى
    لا يمكن تجد زيه فى اى مكان اخر فى العالم بطعمه وجماله ولونه ودسامته
    وعلشان ما اطولش عليكم ابدأ معكم بالسرين  الذىن يجعلان الفطير المشلتت يكون رائعا :
    1- لازم بعد عجن العجين نسيبها ترتاح فترة كبيرة علشان العجينة تفرد معاكى وتمط ولا ترتد اليكى 
    2- لازم فرن يكون كويس يعنى يخبز كويس من فوق ومن تحت علشان مايتحرقش معاكى الفطير ولا ينشف
    المقادير:
    سهلة جدا وهى دقيق +ماء+ رشة ملح+رشة سكر +سمن
    ونقول لعمل 3 فطيرات كبيرة هاتكون مقاديرنا:
    كيلو دقيق +رشة ملح خفيفة + رشة سكر خفيفة  ونضيف الماء بالتدريج حتى نلم كل العجينة من الوعاء يعنى تصبح طرية وتترك جوانب الوعاء الذى نعجن فيه

    ثم بعد العجن جيدا ندهن العجينة بعد جعلها على شكل كرة بالزيت ونتركها تستريح على قد ما تقدرى
    ويفضل عجنها فى الليل وتركها للصباح حتى تأخذ الوقت الكافى لترتاح.

    ثم نقوم بتقسيم العجينة الى ثلاثة اقسام لعمل 3 فطائر
    ونأخذ كل قسم ونفرده بيدينا على طاولة مدهونة بالزيت وتكون طبعا يدينا مدهونة بالزيت ايضا ونظل نفرد فيها بيدينا لتصبح اكبر ما يمكن.
    ثم نرش عليها السمن بكثرة

    ونقوم بلفها على شكل اسطوانة مثل عمل السويسرول.
    وناخذ الاسطوانة ونلفها على شكل حلزونى ونضعها فى صينية الخبز المدهونة ايضا بالسمن ونضغط عليها حتى تملأ كل الصينية

    ثم ندخلها الفرن حتى تنضج من اسفل وتحمر من اعلى
    ومن الممكن حشوها بالمكسرات والسكر
    واكلها لوحدها حلو جدا ومعاها جبنة قديمة او عسل ابيض وقشطة
    وبالهنا والشفا

    ashhy
    @مرسلة بواسطة
    كاتب ومحرر اخبار اعمل في موقع اكل دوت نت .

    إرسال تعليق