-->

السبانخ بالفريك

السبانخ بالفريك

    نقدم لكم اليوم اكلة مصرية صعيدية

    السبانخ بالفريك

    ده امتداد للاكلات المصرية البيتى المشهورة النهاردة هقدم لكم (السبانخ بالفريك) ودى طريقة اهل الصعيد فى مصر ومالهاش منافس وان شاء الله هاتعجبكم جدا :

    المقادير : 4 حزم (رابطة) سبانخ مغسولة ومقطعة شرائح
    حزمة كسبرة خضراء مقطعة وتضاف الى السبانخ قبل الطهى
    1/2 كيلو لحم مكعبات
    3 كوب عصير طماطم مضاف اليه معلقة صلصة
    بصلة كبيرة مفرومة
    1/2 كوب فريك مغسول كويس ومنقوع 1/2 ساعة
    3 فص ثوم مفروم + ملعقة كبيرة كسبرة ناشفة
    سمن
    الطريقة
    بصى يا سيتى تجيبى البصل المفروم وتشوحيه فى السمنة لغاية ما يصفر تقومى
    تضيفى اللحمة وتقلبى دقيقتين وبعدين تضيفى عصير الطماطم والفلفل الاسمر
    وبلاض تحطى الملح علشان اللحمة تستوى …….. وتسيبيها تتسبك براحتها ولما
    تلاقى الطماطم اصبحت مافيهاش مياه تضيفى السبانخ والكسبرة الخضراء وتقلبى
    شوية وبعدين تضيفى المياه (2 كوب ماء) والفريك وتتركيها حتى تنضج (الفريك
    واللحم والسباتخ)
    بعد ما نتاكد من ان كل الحاجة استوت نجهز الثوم المفروم على الكسبرة
    الخضراء والسمنة ونعمل تقليه زى بتاعة الملوخية ونضيفها الى السبانخ
    نتركها 1/2 ساعة قبل التقديم وبالهنا والشفا

    elearning
    @مرسلة بواسطة
    كاتب ومحرر اخبار اعمل في موقع اكل دوت نت .

    إرسال تعليق