المنجئونة البورسعيدية الرائعة وعلى ضمانتى

المنجئونة او البريوش

من انواع المخبوزات الشهية التى احبها جدا

واكلتها اول مرة منذ عدة سنوات فى مدينة بورسعيد

فهى من الاكلات والتى تصنع خصيصا فى عيد شم النسيم هناك

وراقنى طعمها الغنى الدسم وقررت البحث عنها فى مواقع النت وبالفعل قمت بتجوبة هذه الوصفة بنفسى حتى وصلت الى المقادير الصحيحة والتى اعطتنى نفس الطعم الرائع

وسوف اشارككم معى هذه الوصفة الشهية والتى تصلح ان تعطيها لاطفالك وهم ذاهبون للمدرسة صباحا او حتى تتناولينها مع كوب شاى

المقادير:

كيلو دقيق(6اْكواب)
4/3 كوب زيت

2ملعقة خميرة
1كوب سكر

2كوب لبن
باكو بيكنج باودر

2 بيضة

فانيليا

الطريقة:

:1ـ ضعى السكر والزيت والبيض والفانيليا فى الخلاط لحد اْما السكر يدوب .

2- ثم نضع معهم اللبن ويضربوا فى الخلاط واللبن يكون دافىْ.

(اْهم حاجة ندوب السكر والزيت الاْول عشان اْما نحط اللبن ما يبردش).

3ـ ننخل الدقيق ونضع عليه الخميرة (تكون الخميرة من الاْول مدوباها مع ملعقة سكر وماء دافىْ)والبيكنج بودر.

4ـ نضع خليط اللبن والزيت والسكر على الدقيق ونعجنهم شوية كثير مع بعض لحد ما تتكون عجينة متماسك.

5- اغطيها واتركها تخمر اقل حاجه 3ساعات.

6ـ نقطعها دوائر صغيرة ثم نبرمها ونلفها حول نفسها (او ممكن تعملى اي شكل تحبيه) و نضعها فى الصنية المدهونة بالزيت.

7-سيبيها ترتاح هتلاقيها خمرت تانى عشان كده بنعملها دوائر صغيرة وقبل الخبز ندهن وشها باللبن  والبيض ورشه سكر عليها.


وبالهنا والشفا