صينية الحنشان بالبطاطس ..للناس الغالية

الحنشان او ثعبان الماء

من الاكلات البحرية التى تتميز بالدسامة والفخامة وارتفاع السعر

والحنشان من ارقى انواع الاسماك حيث انه لا يتغذى على الطحالب او نفايات الماء مثل القراميط بل يتغذى على الاسماك الاصغر منه بالطبع فقط

وصينية الحنشان بالبطاطس مشهورة ومعروفة جدا فى مصر ويتم طبخها فى العزومات والولائم للاشخاص الغاليين قوى.. مش قلت لكم انه باهظ الثمن:

واليكم المقادير

كيلو سمك حنشان.مقطع الى جزل كبيرة ومتبل بالملح والثوم والكمون وعصير الليمون

بطاطس مقطع حلقات

حزمة بقدونس وكسبرة خضراء مقطعة

ملح - فلفل- عصير ليمونة

فلفل حار

عصير طماطم

زيت

2 بصلة مقطعة حلقات.

الطريقة:

نضع الملح والفلفل والفلفل الحامى وعصير الليمونة  مع قليل من الزيت على حلقات البصل وندعكها بهم جيدا حتى تذبل 

نقوم بتعفير الحنشان بقليل من الدقيق ونقوم بقلية قلى خفيف فى الزيت حتى يكتسب لونا من الخارج فقط.

نقوم برص قطع الحنشان والبطاطس والبصلة والبقدونس والكسبرة  فى صينية وخلطهم جيدا ثم نسكب فوقهم عصير 

 الطماطم .

 

ونضعهم على النار حتى تتسبك الطماطم وتقارب البطاطس على الاستواء  ثم ندخلهم الى فرن حامى حتى يحمر وجه الصينية

وبالهنا والشفا

كيفية حفظ التوابل والحبوب والأعشاب

كيفية حفظ التوابل والحبوب والأعشاب - حفظ التوابل - كيفية حفظ التوابل - طريقة حفظ التوابل  

طريقة حفظ التوابل 

كيفية حفظ التوابل والحبوب والأعشاب:

التوابل ممكن نحقظها فى التلاجه عادى جدا .
البهار بيتحمل عادة الجو الحار لان اغلب البهار بتزرع فى اماكن حارة اودافئة أهم شىء تختارى انواع جيدة وتحتفظى بهم غير مطحونين لان المطحون بيفقد رائحته سريعا وكمان حطيهم بكيس محكم الاغلاق وخدى بالك بلاش الانواع اللى بتكرف مع بعض زى القرفه مثلا تكرف مع الفلفل الاسمر.

بالنسبه لتخزين البقوليات فهناك مايوضع بالتلاجه مثل الفريك والبرغل واللوبيا لابد وان يوضعوا بالتلاجه لان الفريك والبرغل والقمح والبليله ايضا من الحبوب سهله التعفن والتسوس كذلك اللوبيا.

اما باقى الحبوب كالحمص والعدس والفاصوليا البيضا هى ممكن تتحمل درجات الحرارة العالية دون فساد سريع.فيمكنك الاستغناء عن وضعهم بالتلاجه.

اما العطارة زى الفلفل والكمون والكسبرة لو حبوب غير مطحونه والمطبخ به شفاط وجيد التهويه لابأس من تركها مدة شهر باكياسها او بعلب محكمه الغلق وكذلك الحبهان واللورو والمستكه وماشابه.

اما لو مطحونه فانصحك انك تطلعى بره التلاجه استخدام الاسبوع فقط يعنى كام معلقه كدا فى كل برطمان وتحتفظى بالباقى بالتلاجه.

اما الكزبرة المطحونة فلا ينصح بتركها خارج التلاجه اطلاقا لانها بتعمل دود صغير الحجم وتلاقى ظهرت زى فتلات صغيرة جواها.

وانا انصح عامة لو البهارات مطحونه واى توابل عندك ياريت تكون طازجه اول باول علشان الرائحه متروحش.

بهارات البريانى

بهارات البريانىركزى معاى علشان طويله شويه

معلقه من الفلفل الابيض

معلقه من الفلفل الاسود

معلقه كارى

معلقه كزبرة ناشفه

معلقه فلفل احمر

نصف معلقه يانسون

نصف معلقه شمر

نصف معلقه حلبا حصى

ربع معلقه حلتيت (يعطى طعم التوم) لاتزيدى فهو طعمه قوى جدا

ربع معلقه قرنفل

ربع معلقه حبهان

نص معلقه جنزبيل

ثلاثة ورقات لوروو او غار

عود واحد قرفه خشب

وحفنه من الزعفران

والزعفران هنا يعطى اللون المميز للبريانى اللون البرتقالى الجميل

وعند مرحله سوا الارز توضه مع التشكيله دى عود قرفه خشب و3فصوص حبهان وبعض وحدات الفلفل الحصى الاسود

دبس الرمان

عاوزة تعملى دبس الرمانتعالىاقولكهاتى كيلو رمان وفصصيهماترميش القشر نشفيه هينفع لحالات المغصوالدسونتاريا والدود الى بيجى لاولادناهاتى الرمان اضربيه بالخلاطوصفيه"ماترميش البذر "

هاتى بقى كوب الاربع سكرنص كوب عصير لمونحطىالليمون على السكر على عصير الرمان وحطيهم على النار اول مايغلى وطى عليهلحدماينقص ويتقل خالصيعنى لو كانوا تلات كوبايات عصير رمان هيبقوا واحدة بسدبسهاتى زجاجه وحطى بيها الدبس واستعمليه بقى فى التتبيلات المشويه وكمان فىالسلطاتالبذر بقى نشفه بالبلكونه وحطيه بقى فى تتبيلات الفراخ المشويه واللحمهكمان المشويهوقولى لى رايك

بهارات المسالا الهندى

بهارات المسالا الهندى

معلقه حلبه حصا مطحونه

معلقه قرف مطحونه

معلقه كمون مطحونه

4حبات قرنفل مطحونه

معلقه فلفل اسود

معلقه كزبرة

معلقه شطه

التتبيله دى بتبقى حلوة اوى مع الفراخ الهندى وكمان مع اللحمه المشويه على الطريقه الهندى

الحلبى بتدى لها طعم يحسسك بالطبقه الى خارج البسطرمه

بهارات الكارى

طريقه بهارات الكارى

طبعا اغلب ستات البيوت بيستعلمن الكارى طب ياترى هو متكون من ايه اقولك ياستى

معلقه بباريكا

معلقه كزبرة

معلقه كمون

معلقه ونص كركم

نص معلقه شطه "لو بتحبى الكارى حار حطى معلقه"

نصف معلقه جنزبيل بودر

نص معلقه حبهان مطحون

دا ياستى الكارى هتخلطى كل المكونات مع بعض فى الكبه ويبقى عندك الذ كارى

كاسات المغلى ..وتكفى أربعينك بخير

زى ما عندنا فى مصر " المغات " يتم عمله لكل امرأة والدة كذلك فى سوريا ولبنان لديهم حلوى جميلة اسمها كاسات المغلى

وهذا النوع من الحلويات يتم تقديمه الى الضيوف المهنئين بالمولود وتأكل منه المرأة فى مرحلة النفاس لاحتوائه على الكراوية التى تسكن الام البطن والقرفة الشهية

ولا يقتصر تقديمها فى حالة وجود مولود جديد فقط بل تقدم فى اى وقت صيفا وشتاءا لانها تقدم باردة
وحتى لا اطيل عليكم اليكم 
المقادير :
5 كوب ماء
كوب ارز مطحون
2 كوب سكر ناعم
ملعقه صغيره قرفه
ملعقه صغيره كراويه /يانسون
برش جوز الهند ومكسرات للتزيين(صنوبر مطحون ,لوز ,جوز)
الطريقه:
نضع نصف كمية الماء في وعاء على النار حتى الغليان
نضيف السكر الناعم الى الماء المغلي ونحرك حتى يذوب السكر
جيدا.
نضيف القرفه والكراويه للماء والسكر..ونحرك
نذوب الرز البودره بكمية الماء البارده الباقيه ونضيفها الى الماء المغلي
نحرك المزيج حتى يبدا بالاشتداد..
 
ثم  نسكب المزيج في كاسات التقديم ونزيين وجهها بالمكسرات وبرش جوز الهند
وتوضع فى الثلاجة وتقدم باردة
,ويمكن ان نسكبه في وعاء كبير ذات جوانب مرتفعه ونزين وجهه بالمكسرات ...
وكما تقول الشاميات عند تناوله للوالدة:

"تكفى اربعينك بخير "

يعنى بالمصرى : تعدى ايام نفاسك الاربعين على خير

طريقة عمل المارشميللو الشهى بطعم الفراولة فى البيت

المارشميللو

كل الاطفال تعشقه وحتى الكبار فهو له طعم جميل جدا ويحبه الاطفال لانه تقريبا يشبه الملبن ولكنه اخف 

والمارشميللو سعره تقريبا غالى بعض الشئ مع العلم ان مكوناته بسيطة جدا ومتواجدة فى كل بيت

واليوم اقدم لكم طريقة عمل المارشميللو بطعم الفراولة بنفسك وهذه الكمية ستكون كبيرة وستكفى اطفالك  واصدقائهم .

المقادير :

300 غرام سكر
150 ملل. ماء
100 ملل. عصير فراولة مركز ومصفى
10 أوراق جيلاتين (ما يعادل 20 غرام) بودرة
2 حبة بياض بيض
رشة ملح
صينية مستطيلة أو مربعة مغطاة بورق الشمع المدهون بالزيت
ورقة شمع أخرى مدهونة بالزيت لتغطية الحلوى بعد سكبها في الصينية

الطريقة :

1- ننقع اوراق الجيلاتين فى ماء بارد حتى تطرى .

2- نضيف السكر الى الماء ونرفعهم على النار ونتركهم حتى يغلو لمدة لا تزيد عن 10 دقائق.,

3- نخفق بياض البيض مع رشة الملح حتى يتكون لدينا ما يشبه المارينج.

4- نسخن عصير الفراولة المركز وبدون ان يصل للفليان ثم نرفعه من على النار ونضيف اليه اوراق الجيلاتين بعد عصرها جيدا من الماء ونقلبهم ( العصير والجيلاتين) حتى تذوب اوراق الجيلاتين تماما

وبذلك نكون قد حضرنا كل المكونات

والان نخلطهم سويا ( بياض البيض الهش + عصير الفراولة المذاب به الجيلاتين+ الماء المذاب به السكر والذى تكون درجةحرارته تقريبا 120 درجة مئوية يعن مغلى لمدة من 7-10 دقائق)

ونضرب الخليط بالمضرب الكهربائى لمدة 10 دقائق  حتى يتماسك الخليط.

5- نضع الورقة المدهونة بالزيت فى قاع الصينية ونسكب فوقها الخليط  ثم نغطيها بالورقة الاخرى المدهونة بالزيت ايضا ونضغط عليها حتى يتساوى ارتفاع المارشميللو فى كل الصينية.

6- نترك الصينية فى الثلاجة لمدة لا تقل عن 24 ساعة حتى يتماسك تماما.

7- لسهولة تقطيع المارشميللو وعدم التصاقه بالسكين نرش على سطحه نشا او سكر بودرة ونقطعة مربعات او مستطيلات حسب الرغبة.

ويمكنك ان تستبدلى عصير الفراولة بأى عصير مركز لديك مثلا منجة او برتقال او حتى شيكولاته لتبدعى اكثر وتغيرى الطعم فى كل مرة .

وبالهنا والشفا